Дорогие братья и сёстры, призываем сугубо молиться о мире на Святой Земле!
Ниже публикуем текст молитвы, который в обычное время читается в православных храмах по окончании Божественной литургии в Великую субботу. В связи с тем, что в минувшую субботу, 7 октября 2023 года, на территории Израиля начались военные действия, Предстоятель Эстонской Православной Церкви митрополит Таллинский и всея Эстонии Евгений благословил читать эту молитву сейчас.
Молитва о мире на Святой Земле
Го́споди, Иису́се Христе́, Бо́же наш, Крест претерпе́вый и смерть, спасе́ния ра́ди ро́да челове́ческаго, во ад соше́дый, тридне́вное погребе́ние прие́мый, смерть попра́вый, диа́вола упраздни́вый и разруши́вый вражды́ средосте́ние, приими́ моли́тву смире́нных раб Твои́х, ку́пно с Дави́дом псалмопе́вцем Тебе́ вопию́щих о ми́ре Свята́го Сио́на, Престо́ла Царя́ Вели́каго, Ма́тере Церкве́й, Пресла́внаго Иерусали́ма.
Мир дарова́вый ро́ду челове́ческому, угаси́ вся́ку ра́спрю и раздо́ры во Святе́й Земли́, умири́ зло́бу вражду́ющих, благослови́ притека́ющих ны́не ко Гро́бу Твоему́ Живоприе́мному, и нас, тому́ мы́сленно покланя́ющихся, исходя́щим от сего́ све́том Лица́ Твоего́ озари́.
Пла́менем любве́ распали́ к Тебе́ сердца́ на́ша, Христе́ Бо́же, да то́ю воспламеня́еми, се́рдцем, мы́слию же и душе́ю, и все́ю кре́постию на́шею возлю́бим Тя, и и́скренняго своего́.
Я́ко Ты еси́ мир наш, и Тебе́ сла́ву возсыла́ем, со Безнача́льным Твои́м Отце́м, и Всесвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в. Ами́нь.